نصائح

العمارة الأول وبعدين الشقة!

Share Button

العمارة الأول وبعدين الشقة!

في مصر في الفترة الأخيرة زادت حوادث انهيار العقارات وآخرها اللي حصل في إسكندرية وفيصل ، انهيار عقارين بسبب ضعف البنية التحتية للعقارين نتيجة طفح مياه الصرف الصحي تحت العقارين، فالبتالي حصل تآكل في البنية التحتية للعقار. وفي أقوال تانية أن السبب في انهيار عقار اسكندرية هو دور زيادة تم بناؤه بطريقة مختلفة “صب الخرسانة”عن البنية العامة للعقار وده آدى إلى انهيار السقف على الدور اللي تحتيه وهكذا حتى الدور الأرضي.
طبعًا سواء كان السبب مخالفة القوانين أو بناء دور زيادة أو عدم الاستعانة بخبراء / مهندسين عقاريين عند البناء أو طفح مياه الصرف الصحي تحت العقار وتركها لحد متآكل أساس العقار، فيه حاجات أساسية لازم ناخد بالنا منها في العمارة قبل منشتري الشقة علشان نتجنب مشكلة زي دي:

1- التأكد من شبكة الصرف الخاصة بالعقار
لازم تتأكد أن الصرف الخاص بالعقار بيصرف في مكان معين وأن مفيش أي تجمع مياه يبقى قريب من العقار علشان بمرور الوقت ده بيأثر على البنية التحتية للعقار.

2- عدد الأدوار المصرح لها بالطلوع
لازم تتأكد من رخصة البناء الخاصة بالعقار وتشوف عدد الأدوار المصرح بيها من الحي، وده يتكتب بند في العقد علشان لو جه صاحب العقار وحب يزود أدوار تانية ده هيأثر على العقار تعرف تاخد موقف قانوني.

3- الصيانة الدورية للعقار ومرافقه
للأسف في مصر احنا بنكسل نصلح أي حاجة طالما شايفنها أنها شغالة وماشية لكن لما تبوظ خالص ساعتها بنفكر ندور نصلحها إزاي! ده مينفعش مع العقارات وقت لما يبقى في صيانة دورية للعقار لازم كلنا نلتزم بيها، لو في مشكلة في السباكة أو أن المياه بتسرب في أي شقة لازم المشكلة تتحل بسرعة. لأن دي مش مشكلة خاصة، دي مشكلة عامة هتأثر على البناء كله.

4- ترخيص تجاري
لوهتشتري الشقة لغرض تجاري مكتب أو عيادة لازم تروح الحي وتتأكد أن العقار واخد ترخيص تجاري علشان متحصلش أي مشكلة.

5- معاينة شقتك وشقق الجيران
ادخل الشقة اللي أنت عاوز تشتريها وبص على السقف بتاعها كويس أوي واتأكد أنه مفيهوش آثار مياه، وادخل شقة جارك اللي تحتيك برده وبص على سقف شقته علشان تتأكد أن شقتك كمان مفيهاش مشكلة في السباكة مآثرة عليه. وده كمان بيفرق في سعر الشقة.

تعليقات الفيس بوك
مصمم الديكور احمد خميس
Author: مصمم الديكور احمد خميس

ديكور ابداع تميز بلا حدود

مصمم الديكور احمد خميس

ديكور ابداع تميز بلا حدود
زر الذهاب إلى الأعلى
error: Content is protected !!
ارسل لنا سؤالك
1
مرحبا بيك فى ديكور ابداع
هل تحتاج للمساعدة
انا هنا لمساعدتك